शैक्षणिक प्रतिज्ञापत्रासाठी लागणारे 500 रुपयाचे मुद्रांक शुल्क माप…….
500 रुपयाचा स्टॅम्पपेपर हा शैक्षणिक प्रतिज्ञापत्रासाठी रद्द करण्याच्रा राज्यशासनाचा महत्त्वपूर्ण निर्णय नुकत्याच काल झालेल्या मंत्रिमंडळच्या बैठकीमध्ये घेण्यात आला आहे. यामध्ये शैक्षणिक कामकाजासाठी या आधी विविध प्रतिज्ञापत्रासाठी 500 रुपयाचा स्टॅम्प आकारला जात होता. सध्याची आर्थिक परिस्थिती विद्यार्थ्यांचे फीचा खर्च बघता हा निर्णय घेण्यात आला आहे. या निर्णयामुळे लाखो पालक,विद्यार्थ्यांना फायदा होणार आहे. महसूल मंत्री चंद्रशेखर बावनकुळे यांनी हा निर्णय घेतल्यानंतर माध्यमा सोबत बोलताना सांगितले. सध्या दहावी व बारावीची परीक्षा संपली असून यानंतर शालेय कामकाजासाठी विविध दाखले काढण्यासाठी पाचशे रुपयाचा मुद्रांक शुल्क हा आकारला जात होता.तो आता आकारला जाणार नाही.
पाचशे रुपयाचा मुद्रांक शुल्क खालील बाबीसाठी माप असेल असे महसूल मंत्री चंद्रशेखर बावनकुळे यांनी सांगितले
उत्पन्नाचा दाखला
रहिवासी प्रमाणपत्र
राष्ट्रीयत्व प्रमाणपत्र
नॉन क्रिमिलियर सर्टिफिकेट
जात पडताळणी प्रमाणपत्र
तसेच विविध शासकीय कार्यालयात शालेय कामकाजासाठीचे सादर करावयाचे पाचशे रुपयांचे मुद्रांक शुल्क
